Este repertorio nace do amor pola tradición popular e polas historias eternas. Do escoitar, do contar e de aí, nace esta recompilación que reúne contos pequenos, rimas, arrolos e xogos de palabras da tradición oral, deses que se contan coa voz, co ritmo e, ás veces, cunha boa gargallada polo medio.
Algunhas son historias herdadas e outras, os contos favoritos de xeración en xeración. Todas elas pensadas para os primeiros oídos curiosos. Con palabras sinxelas, repeticións sonoras e espertando moita curiosidade, estes contos acompañan momentos de xogo, de calma e de colo, mentres axudan a espertar a linguaxe e o gusto polas historias.
"Tantarantiña, tantarantiña, quen non come non ten barriguiña."
Un proxecto para reivindicar que contar, cantar e compartir historias fainos medrar en compañía.
